चल जाऊ परत घरट्याला
कातरवेळ ही झाली ।
वाट पाहते बाळ तानुले
दूर किती मी आली ।
थकला असेल ना सूर्य किती
गालावर दिसते लाली ।
लगबग लगबग दिसते सारी
कोण इथे ग खाली ।
पक्षांचा चिवचिवाट सांगतो
हास्य उमलले गाली ।
संथ झाला झुळझुळ वारा
चिंता रात्रीची भाली ।
चंद्र बघतो डोकावून तो
नटून चंदणी आली ।
चमचम करते सारे आकाश
रजनी काळोख ल्याली ।
संजय रोंघे
मोबाईल- 8380074730
"माझ्या कविता" : Sanjay Ronghe 
संध्याकाळच्या कातरवेळचं सुंदर वर्णन कवितेतून केलंय👌👌👌👌
LikeLiked by 1 person
धन्यवाद
LikeLike